BOLALARDA ALLERGIK RINIT, UNING KELIB CHIQISH SABABLARI VA DAVOLASH CHORALARI

Abstract

Ushbu maqolada bolalarda allergik rinit kasalligi, uning kelib chiqish sabablari, belgilari va davolash usullari batafsil ko‘rib chiqilgan. Allergik rinit havo orqali yuqadigan chang, chang hujayralari, hayvon terisi, gullar va boshqa aeroallergenlar ta’sirida yuzaga keladi. Shuningdek, genetik omillar va immun tizimining o‘sib borayotgan organizmda allergenlarga ortiqcha reaksiya berishi kasallik rivojlanishida muhim rol o‘ynaydi. Maqolada bolalarda allergik rinitni aniqlash usullari tushuntirilgan: simptomlar (burun oqishi, burun tiqilishi, ko‘zlarning qichishi) va shunga o’xshash boshqa belgilar haqida ma’lumot berilgan. Shuningdek, davolashda allergenlardan saqlanish, burun tomchilari va kerak bo‘lsa dori vositalari yordamida simptomlarni kamaytirish muhimligi ta’kidlangan. Shu bilan birga, maqolada allergik rinitning bolaning uyqu sifati, o‘quv va ijtimoiy faoliyatiga salbiy ta’siri ham ko‘rsatilgan. Shu nuqtai nazardan, kasallikni erta aniqlash va samarali davolash bolaning umumiy sog‘lig‘i va hayot sifatini yaxshilashda muhim ahamiyatga ega ekanligi ko‘rsatilgan.