ILK YOSHDAGI BOLALAR BILAN ISHLASH METODIKASINING PREDMETI VA VAZIFASI

Abstract

Ilk yoshdagi bolalar bilan ishlash metodikasining predmeti va vazifalari maktabgacha ta’lim tizimida sifatli pedagogik jarayonni tashkil etishda muhim o‘rin tutadi. Ushbu yo‘nalish bolalarning fiziologik, psixologik va ijtimoiy ehtiyojlarini chuqur o‘rganishga, ularning individual rivojlanish sur’atini inobatga olgan holda samarali tarbiyaviy va ta’limiy faoliyatni shakllantirishga qaratilgan. Metodikaning asosiy predmeti bolaning ilk yosh davrida shakllanadigan nutq, harakat, emotsional holat, ijtimoiy munosabat va tafakkur jarayonlarini ilmiy asosda rivojlantirish tamoyillaridan iborat. Vazifalari esa yoshi kichik bolalar bilan ishlashda innovatsion metodlar, o‘yin texnologiyalari, psixologik yondashuvlar hamda sog‘lomlashtirish jarayonlarini uyg‘unlashtirish orqali har tomonlama barkamol shaxs rivojiga xizmat qiladi. Mazkur metodika tarbiyachilar va mutaxassislar uchun amaliy tavsiyalar ishlab chiqishni ham nazarda tutadi