BOSHLANG‘ICH SINF O‘QITUVCHILARI TAYYORGARLIGINI TAKOMILLASHTIRISHDA INNOVATSION YONDASHUVLARNING NAZARIY ASOSLARI
Keywords:
Boshlang‘ich ta’lim, innovatsion yondashuv, o‘qituvchi tayyorgarligi, pedagogik texnologiyalar, kompetensiya, konstruktivizm, raqamli pedagogika, kasbiy rivojlanish, interfaol metodlar, ta’lim sifati, metodik tayyorgarlik, kreativlik, pedagogik innovatsiyaAbstract
Boshlang‘ich sinf o‘qituvchilari tayyorgarligini takomillashtirishda innovatsion yondashuvlarning nazariy asoslari zamonaviy pedagogika rivojining muhim yo‘nalishlaridan biri hisoblanadi. Maktab ta’limi jarayonida o‘quvchining tafakkuri, qiziqishi, ijodkorligi va mustaqil fikrlash ko‘nikmalarini shakllantirishda o‘qituvchining kasbiy mahorati va bilim darajasi hal qiluvchi omildir. Shu bois o‘qituvchilarni tayyorlash tizimiga innovatsion pedagogik texnologiyalarni joriy etish, ularning nazariy asoslarini ilmiy jihatdan tahlil qilish va amaliyotda qo‘llash mexanizmlarini ishlab chiqish zarurati ortib bormoqda. Innovatsion yondashuvlar o‘qituvchining dars jarayonini tashkil etish bo‘yicha kreativ g‘oyalar yaratish, interfaol metodlardan foydalanish, raqamli ta’lim vositalarini samarali qo‘llash, o‘quvchilarning o‘quv faoliyatini differensial va individual rivojlantirishga imkon beradi. Shuningdek, bunday yondashuvlar pedagoglarning kasbiy kompetentligini oshirish, reflektiv fikrlashini rivojlantirish, ta’lim sifatini monitoring qilish va baholashda zamonaviy mezonlardan foydalanishni taqozo etadi. Mavzuning nazariy asoslari innovatsion pedagogika, konstruktivizm, kompetensiyaga asoslangan ta’lim, shaxsga yo‘naltirilgan ta’lim, raqamli pedagogika kabi konsepsiyalar bilan chambarchas bog‘liq bo‘lib, o‘qituvchi tayyorgarligini takomillashtirishning ilmiy-metodik yondashuvlarini belgilab beradi
