PEDAGOGIK MULOQOT MADANIYATINI RIVOJLANTIRISHDA TRENINGLARDAN FOYDALANISHNING NAZARIY VA AMALIY AHAMIYATI

Abstract

Ushbu ishda pedagogik muloqot madaniyatini rivojlantirish jarayonida treninglardan foydalanishning nazariy va amaliy ahamiyati yoritiladi. Trening texnologiyalari hozirgi zamon pedagogikasida o‘qituvchi va o‘quvchi o‘rtasidagi samarali kommunikatsiyani shakllantirish, o‘zaro hurmat, ishonch, tinglash ko‘nikmalari hamda pedagogik empatiyani rivojlantirishning eng ta’sirchan usullaridan biri sifatida qaraladi. Tadqiqotda treninglarning nazariy asoslari, ya’ni shaxslararo muloqot psixologiyasi, kommunikativ kompetensiya, interfaol usullar va tajribaga asoslangan ta’lim konsepsiyalari tahlil qilinadi. Shuningdek, treninglarning amaliy ahamiyati sifatida pedagoglarning muloqot madaniyati, nutq odobi, konfliktlarni konstruktiv boshqarish, pedagogik vaziyatlarda tezkor qaror qabul qilish, o‘quvchilar bilan ijobiy munosabat o‘rnatish kabi ko‘nikmalarning shakllanishiga qo‘shadigan hissasi ochib beriladi. Ishda treninglarning real ta’lim jarayonida qo‘llanishi, ularning bosqichlari, samaradorlik mezonlari va amaliy natijalari haqida umumiy xulosalar berilib, pedagogik muloqot madaniyatini yuksaltirishda treninglarning muhim o‘rni asoslanadi