TURKIY XALQLARNING QAHRAMONLIK DOSTONLARI VA BAXSHICHILIK SAN’ATI

Abstract

Turkiy xalqlarning og‘zaki ijodida qahramonlik eposlari alohida o‘rin tutadi. Xalq baxshichilik san’ati – o‘zida butun bir xalq tarixining sir-sinoatlarini mujassam etgan betakror meros bo‘lib, baxshichilikdagi so‘z va musiqa orqali tarix so‘zlanadi. Baxshilar odatda dostonchi va qo‘shiqchi sifatida e’zozlangan; ular xalq qahramonlik dostonlarini yod olib, maxsus ohanglarda kuylab beradigan san’atkorlardir. Qahramonlik dostonlari asrlar davomida turli turkiy elatlar orasida og‘zaki an’ana sifatida sayqal topib, xalq tarixi, madaniyati va qadriyatlarini aks ettirib kelgan.