O‘QUVCHILARNING MATEMATIK SAVODXONLIGINI RIVOJLANTIRISHDA LOYIHAVIY METODNING O‘RNI

Abstract

Bugungi kunda o‘quvchilarning matematik savodxonligini rivojlantirish jarayoni ta’lim tizimi uchun juda muhim ahamiyat kasb etadi. Jamiyat taraqqiyoti va intellektual salohiyatini oshirish, raqobatbardosh kadrlar tayyorlash, zamonaviy bilim va ko‘nikmalarga ega bo‘lgan shaxslarni shakllantirish yo‘lida eng asosiy omillardan biri bu – matematik savodxonlikni har tomonlama rivojlantirishdir. Shu sababli, so‘nggi yillarda maktablarda loyihaviy metoddan foydalanishga bo‘lgan e’tibor tobora ortib bormoqda. Loyiha asosida ta’lim berish, nafaqat o‘quvchilarning bilim darajasini oshiradi, balki ularni mustaqil fikrlash, tahlil qilish, muammoga yechim topish, o‘z mulohazalarini asoslab bera olish kabi muhim hayotiy ko‘nikmalarga ham ega qiladi.