STEAM YONDASHUVI ASOSIDA O‘QUVCHILARNING KREATIV FIKRLASHINI RIVOJLANTIRISH VA PISA NATIJALARIGA TA’SIRI

Abstract

Ushbu maqolada STEAM (Science, Technology, Engineering, Arts, Mathematics) yondashuvi asosida o‘quvchilarning kreativ fikrlashini rivojlantirish masalalari hamda uning xalqaro baholash dasturlari, xususan, PISA tadqiqotlari natijalariga ta’siri tahlil qilinadi. Tadqiqotda STEAM ta’limining fanlararo integratsiyaga asoslanganligi, muammoli vaziyatlar orqali o‘qitish, loyihaviy va amaliy faoliyatlarni tashkil etish orqali o‘quvchilarda tanqidiy va kreativ fikrlash, muammoni hal qilish, muloqot va hamkorlik ko‘nikmalarini shakllantirish imkoniyatlari yoritib beriladi. Shuningdek, STEAM yondashuvi asosida tashkil etilgan ta’lim jarayonining o‘quvchilarning matematik savodxonligi, tabiiy fanlar bo‘yicha bilimlari va real hayotiy vaziyatlarni tahlil qilish qobiliyatiga ijobiy ta’siri ko‘rsatib o‘tiladi. Maqolada STEAM metodlarini ta’lim amaliyotiga joriy etish orqali PISA natijalarini yaxshilash, o‘quvchilarning mustaqil fikrlashi va ijodiy salohiyatini oshirish bo‘yicha xulosalar berilgan.