MODIFIKATSIYALANGAN YELIMLARNING ISHLATILISH SOHALARI VA BUGUNGI KUNDAGI AMALIY AHAMIYATI

Abstract

Zamonaviy sanoat va texnologiyalar rivoji bilan bir qatorda materiallarni biriktirish usullariga bo‘lgan talab ham keskin oshib bormoqda. An’anaviy mexanik biriktirish usullari ko‘plab hollarda samaradorlik, estetik ko‘rinish va mustahkamlik talablarini to‘liq qondira olmaydi. Shu sababli modifikatsiyalangan yelimlar bugungi kunda ko‘plab sohalarda muhim texnologik yechim sifatida keng qo‘llanilmoqda. Ularning tarkibiga nanozarrachalar, polimer qo‘shimchalar yoki bioasosli komponentlar kiritilishi natijasida mexanik, kimyoviy va ekspluatatsion xususiyatlari sezilarli darajada yaxshilanmoqda.