MAYDALASH-QAYTA YUKLASH PUNKTIDA AVTOSAMOSVALLAR YUK AG’DARISHIDAN HOSIL BOLGAN CHANGLARINI BOSTIRISH USULI

Abstract

Dunyoda ochiq usulda qazish ishlarining yuzaga kelayotgan asosiy muammolardan biri bu chang miqdorining me`yoridan ortib ketishi bo’lib, ko’tarilayotgan chang atrof muxitga, insonlarga, karyer texnikalari ishchi elementlariga va boshqa uskunlarga jiddiy zarar yetkazadi. Konchilik sanoati rivojlangan hududlar havosiga chang, uglerod va azot oksidlari, oltingugurt angidridi, vodorod sulfidi va boshqa kimyoviy birikmalar chiqib turadi. Muhitning changlar bilan ifloslanishida avtomobil transporti yordamida tashilayotgan tog’ jinslarining bunkerga yuklash vaqtidagi jarayon katta ahamiyat kasb etadi. Olib borilgan izlanishlar shuni ko’satdiki, Muruntog’ karyerida o’rnatilgan konveyer bunkeriga o’rta hisobda har 3-5 daqiqada avtosamosvallar orqali yuk kelib to’kiladi va changli muhitni hosil qiladi (1-rasm).