TRANSPORT INFRATUZILMASI ORQALI TA’SIR: “BIR MAKON – BIR YO‘L” DOIRASIDA MARKAZIY OSIYONING GEOSIYOSIY TRANSFORMATSIYASI

Abstract

Annotatsiya: Mazkur maqolada Xitoy tomonidan ilgari surilgan “Bir makon – bir yo‘l” tashabbusi doirasida rivojlanayotgan transport va logistika infratuzilmasining Markaziy Osiyoda shakllanayotgan geosiyosiy makonga ta’siri tahlil qilinadi. Tadqiqotda transport infratuzilmasi faqat iqtisodiy bog‘lanish vositasi sifatida emas, balki siyosiy ta’sir va strategik manfaatlarni ilgari suruvchi omil sifatida ko‘rib chiqiladi. Maqolada Markaziy Osiyoning Yevrosiyo hududidagi tranzit salohiyati, asosiy transport koridorlarining rivojlanishi hamda “Bir makon – bir yo‘l” doirasida mintaqa davlatlarining strategik tanlovlari tahlil etiladi. Shuningdek, tashqi kuchlar manfaatlari va mintaqaviy muvozanat masalalariga alohida e’tibor qaratiladi. Tadqiqot natijalari “Bir makon – bir yo‘l” tashabbusi Markaziy Osiyoda yangi geosiyosiy bog‘liqlik va ta’sir mexanizmlarini shakllantirayotganini ko‘rsatadi hamda mintaqa davlatlari uchun muvozanatli va ehtiyotkor infratuzilma siyosati zarurligini asoslab beradi.