BARIATRIK JARROHLIKDAN KEYINGI MALABSORBSIYA SINDROMINI RIVOJLANISHI VA ERTA TASHXISLASH

Abstract

Jahon sog‘liqni saqlash tashkiloti (JSST, 2023) hisobotiga ko‘ra, 1975–2022 yillar oralig‘ida semizlik darajasi 3 baravar oshgan. Semizlikning tarqalish darajasi Shimoliy Amerika, Yevropa, Yaqin Sharq va Markaziy Osiyo davlatlarida eng yuqori o‘sish sur’atiga ega (Ng et al., 2014). O‘zbekiston ham ushbu tendensiyadan mustasno emas — 2022-yilda katta yoshdagi insonlarning 17–20 %  semizlik chegarasidan yuqoriga chiqqani kuzatilgan (JSST, 2023).

Bariatrik jarrohlik hozirgi vaqtda bu semizlik bilan bog'liq kasalliklarni kamaytiradigan eng samarali uzoq muddatli vazn yo'qotish usulidir. Shunga qaramasdan, oshqozon-ichak traktining asoratlari, makro- va mikroelementlarning etishmasligiga, ya’ni malabsorbsiya sindromiga olib kelishi mumkin bo'lgan muhim fiziologik va ozuqaviy oqibatlarga olib keladi.