YO‘L-TRANSPORT HODISALARIDA KO‘P JAROHATLANGAN BEMORLARNI KOMPLEKS DAVOLASH

Abstract

Annotatsiya: So‘nggi o‘n yillikda yo‘l-transport hodisalari global muammolardan biri bo‘lib, jamiyat hayotining barcha sohalariga salbiy ta’sir ko‘rsatmoqda. Aholining harakatlari faollashuvi, avtomobillarning soni va harakat intensivligining ortishi, ba’zan esa transport infratuzilmasidagi muammolar tufayli yo‘l-transport hodisalari oqibati tobora xavotirli ko‘rinishga ega bo‘lmoqda. Transport hodisalari natijasida yuzaga keladigan ko‘p jarohatlar va ularning og‘ir oqibatlari, bunday holatlarda bemorlarni zamonaviy tibbiy yondashuv asosida kompleks ravishda davolash muammosini doimo dolzarb qilib kelmoqda. Bularning barchasi davolash va tiklash jarayonlari har tomonlama mukammal, izchil, bosqichma-bosqich ko‘rsatilishi lozim ekanligini isbotlaydi.