O‘ZBEKISTONDA XUSUSIY VA DAVLAT TIBBIY XIZMATIDAGI TAFOVUTLAR

Abstract

Annotatsiya: Ushbu maqolada muallif O‘zbekiston Respublikasi Tibbiyot sohasida davlat va xususiy tibbiyot tizimida xizmat ko‘rsatish sifatini qiyosiy tahlil etadi. Maqolada tibbiyot sohasida kechayotgan korrupsiyaning kelib chiqish sabablari va ijtimoiy oqibatlari yoritilgan. Shuningdek davlat muassasalarida ko‘p hollarda xizmatlar bepul bo‘lishiga qaramay, tibbiy sifat doimo yuqori emasligi, xususiy tibbiy xizmatda esa sifat yaxshiroq bo‘lgani bilan narxlarning balandligi haqida fikr bildiradi. Shu bilan birga jamiyatdagi mentalitetning tibbiy xizmatga bo‘lgan munosabatlari qanday ta’sir qilishi ham ko‘rib chiqilgan. Tibbiyotdagi korrupsiya va farmasevtika sohasidagi tartibsizliklar tizim samaradorligiga salbiy ta’sir qilayotgani ta’kidlanadi. Ma’lumki sog‘liqni saqlash tizimida raqamlashtirish jarayonlarining sekin kechayotgani ayrim davlat muassasalarida xizmat ko‘rsatish sifatiga salbiy ta’sir qilayotgani ham qayd etiladi. Bundan tashqari, maqolada keksalik davrida tibbiy xizmatga bo‘lgan ehtiyoj oshishi va bu jarayonda davlat va xususiy tibbiyotining imkoniyatlari qanday farq qilishi ham alohida aytib o‘tilgan. Muallif ushbu muammolarni kamaytirish, tibbiy sifatni oshirish va davlat hamda xususiy sektor o‘rtasida muvozanat yaratish bo‘yicha takliflar beradi. Tadqiqotda qiyosiy-tahliliy yondashuv hamda normativ-huquqiy hujjatlar va xalqaro ilmiy manbalar tahlili asosida xulosalar shakllantirildi. Natijalar davlat sektorida infratuzilma va boshqaruv samaradorligi muammolari mavjudligini, xususiy sektorda esa narx va ijtimoiy tenglik masalalari ustuvorligini ko‘rsatdi.