КОРРУПЦИЯ ДУНЁ МИҚЁСИДА ҲАЛ ЭТИЛИШИ ЛОЗИМ БЎЛГАН ГЛОБАЛ МУАММО

Abstract

Коррупция дунё миқёсида ҳал этилиши лозим бўлган глобал муаммолардан биридир. Ушбу иллат ҳар қандай давлат ва жамиятнинг сиёсий-иқтисодий ривожланишига жиддий путур етказади, инсон ҳуқуқ ва эркинликларининг поймол бўлишига олиб келади.Коррупция сўзи лотинча “corruptio” сўзидан олинган бўлиб, “эврилиш”, “бузилиш” деган маъноларни англатади.Яъни шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этиш коррупция яни нафс балоси дейилади. Таъкидлаб ўтиш ўринлики, ушбу зарарли ҳодиса, бадавлат ва камбағал бўлишидан қатъий назар, барча мамлакатларда учрайди. Ушбу зарарли иллатни бартараф этиш бўйича жаҳон ҳамжамияти томонидан бир қатор самарали ишлар амалга оширилаётган бўлсада, ҳанузгача у бартараф этилмаган. Ҳозирги глобаллашув замони, минтақалар ва давлатлараро интеграция жадаллашиб бораётган мураккаб бир шароитда коррупция барча мамлакатларда ҳам қатор муаммоларни келтириб чиқариб, жамиятни ич-ичидан емириб, пароканда қилиб ташлаш хавфини солмоқда. Бинобарин, бугун каттами-кичикми, қудратлими-кучсизми биронта давлатни коррупциядан холи ҳудуд, деб айтолмаймиз. Гап коррупцияга қарши кураш ҳақида борар экан, бу борада жамоатчиликнинг назорати жуда муҳим эканини алоҳида таъкидлаш керак. Энг асосийси, бу жараёнда ёшларнинг фаоллиги сезилаётгани эътиборга моликдир. Ёшлар учун эса энг муҳим йўналишлардан бири, бу – таълим соҳасида ва ишга кириш босқичида юзага келмоқда. Шу боис Президентмиз Шавкат Мирзиёев  Ўзбекистонда коррупцияга қарши курашиш тизимини янада такомиллаштириш тўғрисида бир қатор ишлар олиб бормоқдалар ва Ўзбекистонда коррупцияга қарши курашиш учун алоҳида орган ташкил этилган.