ONA TILI DARSLARIDA PRODUKTIV MASHQLAR ORQALI O‘QUVCHILARNING NUTQIY KOMPETENSIYASINI RIVOJLANTIRISH
Keywords:
ona tili ta’limi, produktiv mashqlar, nutqiy kompetensiya, kommunikativ yondashuv, matn yaratish, ijodiy fikrlash, kompetensiyaviy ta’lim, baholash mezonlari, refleksiya.Abstract
Mazkur maqolada ona tili ta’limi jarayonida produktiv mashqlar orqali o‘quvchilarning nutqiy kompetensiyasini rivojlantirish masalasi ilmiy-nazariy va amaliy jihatdan yoritiladi. Produktiv mashqlar o‘quvchini tayyor bilimlarni qayta takrorlashdan ko‘ra, mustaqil fikr yuritish, mantiqiy xulosa chiqarish, nutqiy vaziyatlarda til birliklarini ongli tanlash hamda og‘zaki va yozma matn yaratish faoliyatiga jalb etishi bilan ahamiyatlidir. Maqolada nutqiy kompetensiya tushunchasining mazmuni, ona tili darslarida uni shakllantirishning metodik yo‘nalishlari, produktiv mashqlarni tanlash va qo‘llashning texnologik asoslari hamda ularning ta’lim samaradorligiga ta’siri tahlil qilinadi. Shuningdek, produktiv mashqlarni kompetensiyaviy yondashuv asosida tashkil etish, refleksiya va baholash jarayonlarini ilmiy asoslangan mezonlar orqali olib borish masalalari ham izohlanadi. Natijada ona tili ta’limida produktiv mashqlar o‘quvchining nutqiy madaniyatini rivojlantiruvchi, kommunikativ faoliyatini faollashtiruvchi va ta’lim natijadorligini oshiruvchi samarali metodik vosita ekanligi ilmiy dalillar bilan asoslanadi.
