“ANNA KARENINA”DA SHAXS VA JAMIYAT TO‘QNASHUVI
Keywords:
Anna Karenina, Lev Tolstoy, psixologizm, muhabbat va burch, jamiyat va shaxs, ayol taqdiri, ma’naviy inqiroz, realizm.Abstract
Mazkur tadqiqot mashhur rus yozuvchisi Lev Nikolaevich Tolstoyning “Anna Karenina” romanini badiiy-falsafiy va psixologik jihatdan tahlil qilishga bag‘ishlangan. Asarda XIX asr Rossiya jamiyatining ijtimoiy-axloqiy muammolari, shaxs va jamiyat o‘rtasidagi ziddiyatlar, muhabbat, burch, vijdon va erkinlik masalalari chuqur yoritilgan. Roman ikki asosiy syujet chizig‘i — Anna Karenina va Vronskiy o‘rtasidagi fojiali muhabbat hamda Konstantin Levinning hayot ma’nosini izlash jarayoni orqali inson tabiatining qarama-qarshi qirralarini ochib beradi. Tadqiqot davomida ayol taqdiri, jamiyatdagi ikkiyuzlamachilik, axloqiy me’yorlarning nisbiyligi va shaxsning ichki tanlovlari masalalari tahlil qilinadi. Muallif romandagi psixologik tasvir, ichki monolog va realistik badiiy usullar vositasida Tolstoy ijodining chuqur falsafiy mohiyatini ochib beradi. Ushbu ish “Anna Karenina” romanining nafaqat sevgi fojiasi, balki insoniyatning abadiy ma’naviy savollariga bag‘ishlangan ulkan asar ekanini asoslab beradi.
