INKLYUZIV TAʼLIMNING AHAMIYATI VA AMALIYOTI BARCHA O‘QUVCHILAR UCHUN TENG IMKONIYATLAR YARATISH

Abstract

Ushbu maqola inklyuziv taʼlim tushunchasining mazmuni, uning zamonaviy taʼlim tizimidagi muhim o‘rni va amaliyotga tadbiq etilishi masalalarini keng yoritadi. Tadqiqotlar inklyuziv taʼlim orqali nogironligi bo‘lgan va boshqa imkoniyati cheklangan bolalarga sifatli, teng huquqli taʼlim berish imkoniyati yaratilishini, shuningdek, jamiyatda ijtimoiy integratsiya va birdamlikni kuchaytirishi mumkinligini ko‘rsatadi. Maqolada inklyuziv taʼlimning asosiy tamoyillari, mavjud muammolar va ularni yechish yo‘llari tahlil qilinadi. Yakunda, barcha o‘quvchilar uchun teng huquqli taʼlim muhitini tashkil etishdagi inklyuziv yondashuv ahamiyati taʼkidlanadi.

Inklyuziv taʼlim bugungi taʼlim siyosatining ustuvor yo‘nalishlaridan biri bo‘lib, uning asosiy g‘oyasi — o‘quvchilarni ularning individual imkoniyat va ehtiyojlariga qaramay bir xilda o‘qitishdan iborat. Bu printsip ijtimoiy adolatning taʼminlanishi va har bir bolaning o‘z qobiliyatlarini to‘liq amalga oshirishini imkon qadar taʼminlashga xizmat qiladi. Dunyo bo‘yicha mamlakatlar inklyuziv taʼlimni rivojlantirish orqali taʼlimdagi tenglik va farqliliklarni bartaraf etishga intilmoqda.