AYOLLARDA METABOLIK BUZILISHLAR FONIDA YURAK YETISHMOVCHILIGI: 2-TUR QANDLI DIABET BILAN BOG‘LIQ DAVOLASH MASALALARI

Abstract

2-tur qandli diabet metabolik buzilishlar bilan kechib, yurak-qon tomir tizimi kasalliklari rivojlanishida yetakchi omillardan biri hisoblanadi. Ayniqsa, ayollarda insulin rezistentligi, semizlik va gormonal o‘zgarishlar fonida yurak mushagida metabolik jarayonlarning buzilishi yurak yetishmovchiligi shakllanishini tezlashtiradi. Bu holat klinik jihatdan ko‘pincha og‘ir kechadi, chunki bemorlarning ko‘pchiligida dastlabki bosqichlarda simptomlar noaniq yoki yashirin bo‘ladi, shuning uchun tashxis kech qo‘yilishi mumkin. Qandli diabet bilan kechuvchi yurak yetishmovchiligi, ayniqsa, postmenopauza davridagi ayollarda murakkab kechadi, bu esa kasallikni nazorat qilish va davolashni individualizatsiya qilishni talab qiladi.