BOLA KOMMUNIKATIV QOBILIYATLARI SHAKLLANISHIDA OILAVIY MUHITNING TA’SIRI

Abstract

Annotatsiya: Har bir inson hayoti davomida ijtimoiy muhitda yashaydi, u o‘zini atrofdagilarga namoyon qiladi, o‘z fikrini bayon etadi va axborot almashinadi. Bu jarayonlarning tabiiy ravishda, izchil amalga oshishi uchun bola kommunikativ qobiliyatlarga ega bo‘lishi lozim. Kommunikativ qobiliyatlar – bu bolaning atrofdagi insonlar bilan muloqot o‘rnatish, fikrini yetkazish, boshqalarning gapini to‘g‘ri idrok qilish, axborotni qabul qilish va unga mos javob bera olish kabi muhim kompetensiyalardir. Bola hayotida mazkur qobiliyatlar tabiatan mujassam bo‘lmagan, ularni to‘laqonli rivojlantirishda hamda mustahkamlashda esa eng avvalo, oila muhitining ahamiyati benihoya kattadir.