RAQAMLI MOLIYAVIY TEXNOLOGIYALAR VA ULARNING BANK XIZMATLARIDAGI O‘RNI
Abstract
O‘zbekistonda raqamli moliyaviy texnologiyalarni rivojlantirish davlat siyosatining ustuvor yo‘nalishlaridan biri hisoblanadi. Xususan, O‘zbekiston Respublikasi Prezidentining 2020-yil 5-oktabrdagi PF-6079-son Farmoni bilan tasdiqlangan “Raqamli O‘zbekiston – 2030” strategiyasi doirasida moliya va bank tizimini raqamlashtirish, elektron to‘lovlar ulushini oshirish hamda masofaviy xizmatlarni kengaytirish bo‘yicha aniq vazifalar belgilangan. Mazkur hujjatga muvofiq, 2030-yilga borib naqd pulsiz to‘lovlar ulushini 70 foizdan yuqori darajaga yetkazish rejalashtirilgan. O‘zbekiston Respublikasi Markaziy banki ma’lumotlariga ko‘ra, 2024-yilda respublikada elektron to‘lovlar hajmi 500 trillion so‘mdan oshib, 2020-yilga nisbatan qariyb 3 baravar o‘sgan. Shuningdek, mobil banking foydalanuvchilari soni 30 milliondan ortiqni tashkil etib, aholining katta qismi raqamli moliyaviy xizmatlardan foydalanayotganini ko‘rsatadi. Bu ko‘rsatkichlar raqamli texnologiyalarning bank tizimidagi o‘rni tobora ortib borayotganini va davlat tomonidan qo‘llab-quvvatlanayotganini yaqqol namoyon etadi [3].
