BIOLOGIK TERAPIYANING ONKOLOGIYADA TUTGAN O‘RNI: ZAMONAVIY YO‘NALISHLAR VA ISTIQBOLLI YONDASHUVLAR
Keywords:
Kalit so‘zlar: biologik terapiya, onkologiya, immunoterapiya, monoklonal antitanachalar, CAR-T hujayralar, onkolitik viruslar, o‘smaga qarshi vaksinalar, target terapiya, o‘sma m\ikroatrofi.Abstract
Annotatsiya.
So‘nggi yillarda onkologiyada biologik terapiya yo‘nalishi jadal rivojlanib, o‘smaga qarshi davolashning eng istiqbolli tarmoqlaridan biriga aylandi. An’anaviy kimyoterapiya ko‘plab holatlarda samarali bo‘lishiga qaramay, uning selektiv emasligi va sog‘lom to‘qimalarga toksik ta’siri klinik amaliyotda jiddiy cheklov bo‘lib qolmoqda. Shu sababli zamonaviy onkologiya o‘sma hujayralarining molekulyar va immunologik xususiyatlariga yo‘naltirilgan biologik davolash usullariga katta e’tibor qaratmoqda. Ushbu tezisda biologik terapiyaning asosiy yo‘nalishlari — monoklonal va bispesifik antitanachalar, immun nazorat nuqtalari ingibitorlari, CAR-T hujayra terapiyasi, onkolitik viruslar, o‘smaga qarshi vaksinalar hamda target dori vositalarining amaliy ahamiyati yoritilgan. Shuningdek, o‘sma mikroatrofi, dori rezistentligi, saraton ildiz hujayralari va kombinatsiyalangan davolash strategiyalarining o‘rni tahlil qilingan.
