AYOLLARDAGI BEPUSHTLIK SABABLARINI ANIQLASHDA GISTEROSALPINGOGRAFIYA (GSG) USULINING AHAMIYATI

Abstract

Dolzarbligi. Bepushtlik bugungi kunda global miqyosdagi dolzarb tibbiy-ijtimoiy muammo bo'lib, Jahon sog'liqni saqlash tashkiloti (JSST, 2023) ma'lumotlariga ko'ra, dunyo aholisining taxminan 17,5 foizi (har olti kishidan biri) hayoti davomida ushbu muammoga duch keladi. Ayollar bepushtligining 30–40% ini bachadon nayi patologiyasi tashkil etadi. Shu bois, nay omilini aniqlashda ishonchli, qulay va arzon diagnostika usullarini tanlash muhim ahamiyat kasb etadi.