GLIOMANI TASHXISLASHDA MRT IMKONIYATLARINI BAHOLASH

Abstract

Gliomalar bosh miya yoki orqa miya glial hujayralaridan boshlanadigan o'simtalar bo‘lib, sekin o'suvchan (kam agressiv) va tez o'suvchan (yuqori darajali agressiv) turlari mavjud. Ular kattalar bosh miyasi o'simtalarining 25%ini va yuqori darajali o‘simtalarining 80%ini tashkil qiladi. Miya muhim funksiyalarni boshqarishi sababli, gliomalar hatto kichik o'lchamda ham sog'liq uchun jiddiy xavf tug'diradi.  Yuqori darajali glioma davolanmasa, uch oy ichida bemorning o‘limiga sabab bo‘lishi mumkin. Tezkor diagnostika va davolash hayot davomiyligini oshirish uchun muhimdir.