ESHITISHDA NUQSONI BO‘LGAN BOLA — INKLYUZIV TA’LIMNING ASOSIY SUBYEKTI SIFATIDA

Abstract

Inson huquqlari va ta’lim sohasidagi xalqaro hujjatlar har bir bolaga, jumladan, imkoniyati cheklangan bolalarga teng ta’lim olish huquqini kafolatlaydi. Jumladan, BMT Nogironlar huquqlari to‘g‘risidagi Konvensiyasining 24-moddasida davlatlar ta’lim tizimini inklyuziv qilgan holda, nogiron bolalarni ajratmasdan umumiy ta’limga qamrab olishi, ularga yakka ehtiyojlardan kelib chiqib qo‘llab-quvvatlash berilishini ta’minlashi belgilangan. Xususan, eshitish bo‘yicha nuqsoni bo‘lgan bolalarning ta’limi eng maqbul til va muloqot vositalarida, ularning shaxsiy ehtiyojlariga mos ravishda olib borilishi va ijtimoiy-hissiy rivojlanishi maksimal darajada qo‘llab-quvvatlanishi lozimligi qayd etilgan.