TAYANCH-HARAKAT SISTEMASIDA KAMCHILIGI BO’LGAN BOLALAR UCHUN ART-TERAPIYANING AHAMIYATI
Keywords:
art-terapiya, tayanch-harakat tizimi, reabilitatsiya, mayda motorika, emosional rivojlanish, sensor-motor integratsiya.Abstract
Tayanch-harakat sistemasida kamchiligi bo‘lgan bolalar reabilitatsiya jarayonida ko‘p qirrali yondashuvni talab qiladi. Art-terapiya ularning psixologik farovonligi, kommunikativ faolligi va ijtimoiy moslashuvini qo‘llab-quvvatlashda samarali vosita sifatida e’tirof etilmoqda. Ushbu metod terapiya jarayonida rang, shakl, tasvir va ijod orqali bolaning ichki kechinmalarini ifoda etishiga, stressni kamaytirishiga, motivatsiyasini oshirishiga yordam beradi. Tayanch-harakat tizimida nuqsoni mavjud bolalarda ko‘pincha motorika cheklangan bo‘ladi, art-terapiya esa mayda motorika, koordinatsiya, qo‘l-harakat aniqligi va sensor-motor integratsiyani rivojlantirishga xizmat qiladi. Bundan tashqari, ijodiy faoliyat bolaning o‘z-o‘ziga bo‘lgan ishonchini mustahkamlaydi, o‘zini qadrlash tuyg‘usini oshiradi va emosional barqarorlikni shakllantiradi. Tadqiqotlar shuni ko‘rsatadiki, art-terapiya bilan muntazam shug‘ullangan bolalarda kommunikativ faollik, tasavvur, o‘yin jarayonidagi ishtirok, ijtimoiy muloqot qobiliyati sezilarli darajada ortadi. Shu bois art-terapiya reabilitatsiya jarayonining ajralmas qismi sifatida tavsiya etiladi.
