KORXONALARDA MARKETING STRATEGIYALARINING SAMARADORLIGI

Abstract

Marketologlar uchun eng muhim vazifalardan biri – marketing bo‘yicha olingan natijalarni doimiy ravishda taxlil qilib borish va ular asosida yangi strategik yondashuvlarni shakllantirishdir. Zamonaviy marketingda ma’lumotlar asosida qaror qabul qilish, bozordagi tendensiyalarga chuqur nazar tashlash zarur. Shuningdek, marketing strategiyasining samarali amalga oshirilishi uchun marketing miksi, ya’ni ‘4P’ (mahsulot, narx, joylashuv, rag‘batlantirish) elementlari o‘zaro muvofiq va uzviy bog‘liq bo‘lishi kerak. Mahsulot sifati va uning xususiyatlari, narxning bozor muhitiga mosligi, tovarning mijoz uchun maksimal qulay va oson topiladigan bo‘lishi, targ‘ibot va reklamaning faol yuritilishi – bularning barchasi murakkab va bir-biriga bog‘liq jarayonlardir.