O‘ZBEKISTON VA XORIJIY DAVLATLARDA MEHNAT NIZOLARINI SUDGACHA HAL ETISH MEXANIZMLARINI TAKOMILLASHTIRISH MASALALARI

Abstract

Annotatsiya: Mehnat munosabatlari har qanday jamiyat hayotida juda muhim o‘rin tutadi. Chunki, mehnat munosabatlari inson salohiyati, bilim va kuch-g‘ayratini jamiyat taraqqiyoti foydasiga yo‘naltirishga xizmat qiladi. Bu munosabatlar tub mohiyati bilan insonning huquqlari hamda manfaatlarini himoya qiluvchi, adolatli va har tomonlama rag‘batlantiruvchi tizim tashkil qilishi zarur. Har bir davlatda, shu jumladan O‘zbekiston va undan tashqarida ham mehnat munosabatlariga oid nizolar tabiiy tarzda yuzaga chiqishi mumkin. Ammo bu nizolar adolatli, oqilona va tezkor hal etilmasa, xodim va ish beruvchi o‘rtasidagi ishonchga putur yetishi, ishlab chiqarish samaradorligining pasayishi va umuman, ijtimoiy barqarorlikka salbiy ta’sir ko‘rsatishi muqarrar. Shuning uchun ham har bir zamonaviy davlat ushbu munosabatlarda yuzaga keladigan nizolarni tezkor va shaffof tartibda, asosan sudgacha bosqichda hal qilish mexanizmlarini joriy etish va yanada takomillashtirishga alohida e’tibor qaratadi.