BOSHLANG‘ICH SINF MATEMATIKA DARSLARIDA QIZIQARLI TOPSHIRIQLARNING O‘QUVCHI FAOLLIGIGA TA’SIRI

Abstract

Annotatsiya: Mazkur ilmiy maqola boshlang‘ich sinf matematika darslarida qiziqarli topshiriqlardan foydalanishning o‘quvchilar faolligiga ko‘rsatadigan ta’sirini nazariy va amaliy jihatdan chuqur tahlil qilishga bag‘ishlangan. Tadqiqotda boshlang‘ich sinf o‘quvchilarining yosh va psixologik xususiyatlari, ularning bilishga bo‘lgan ehtiyojlari hamda ta’lim jarayonida faol ishtirok etish omillari pedagogik nuqtai nazardan o‘rganildi. Ilmiy izlanish jarayonida didaktik o‘yinlar, mantiqiy va noodatiy masalalar, muammoli vaziyatlarga asoslangan, shuningdek, real hayot bilan bog‘langan topshiriqlarning o‘quvchilarning motivatsiyasi, mustaqil fikrlashi, tahliliy va mantiqiy tafakkurini rivojlantirishdagi o‘rni aniqlashtirildi. Pedagogik tajriba-sinov ishlari natijalari shuni ko‘rsatdiki, qiziqarli topshiriqlar asosida tashkil etilgan matematika darslari o‘quvchilarning bilimlarni ongli va barqaror o‘zlashtirishini ta’minlab, ularning dars jarayonidagi faolligi va tashabbuskorligini sezilarli darajada oshiradi.