TEXNIK XIZMAT KO’RSATISH JARAYONLARINI AVTOMATLASHTIRISHDA GRAFIK MODELLAR VA ALGORITMLARDAN FOYDALANISH

Abstract

Havo kemalarining (HK) texnik ekspluatatsiyasi ekspluatatsiya jarayonida yuzaga keladigan tashkiliy va texnik holatlarning izchil almashinuvi orqali amalga oshiriladi. Ushbu jarayonni o‘rganish va tahlil qilish asosan statistik usullar asosida olib boriladi. Ekspluatatsiya jarayoni ikki asosiy tarkibiy qismdan iborat: birinchisi – havo kemasining texnik xususiyatlarining obyektiv qonuniyatlar asosida o‘zgarishi bilan bog‘liq texnik holatlar; ikkinchisi esa – havo kemasidan foydalanishni tashkil etish va rejalashtirish bilan bog‘liq tashkiliy holatlardir. Texnik ekspluatatsiyaning obyektiv jarayoni texnik xizmat ko‘rsatish va ta’mirlash (TXK va T) tizimi doirasida amalga oshiriladi. Bu tizim havo kemalarining ishonchliligini va parvozga tayyorlik darajasini ta’minlashga qaratilgan o‘zaro bog‘liq elementlar majmuasidan iborat bo‘lib, unga havo kemasi, TXK va T vositalari, ijrochilar hamda ularning faoliyatini tartibga soluvchi me’yoriy-huquqiy va texnik hujjatlar kiradi. Havo kemasining texnik va tashkiliy holatlari muntazam ekspluatatsiya jarayonida hamda texnik holat buzilganda turlicha namoyon bo‘ladi. Grafikning tugunlari muayyan texnik yoki tashkiliy holatni, yoylari esa ular o‘rtasidagi o‘tish jarayonini ifodalaydi. Bu bog‘lanishlar evristik baholash usullari yordamida aniqlanib, ekspluatatsiya jarayonining samaradorligi va barqarorligini tahlil qilish imkonini beradi. Shunday qilib, grafik modellashtirish nosozliklarni prognozlash va ekspluatatsion ishonchlilikni oshirishda muhim ahamiyatga ega.