MATLAB DASTURIDA OLIY MATEMATIKA MASALALARINI YECHISHNING AMALIY YONDASHUVI

Abstract

Annotatsiya. Oliy ta’lim muassasalari talabalari o‘qish xususiyatlariga moslashgan holda oliy matematika fanini o‘qitishning samarali shaklini izlab topish va yuqori samaradorlikka ega o‘quv jarayonini yaratish ushbu tadqiqotning asosiy maqsadini tashkil etadi.

Bu maqsadni amalga oshirish uchun MATLAB dasturining kuchli grafik ishlov berish va animatsiya texnologiyasi imkoniyatlaridan foydalanilib, oliy matematika fanini o‘qitish jarayonini takomillashtirish taklif etiladi. Dinamik animatsiyalar yordamida statik nazariy bilimlarni vizual tarzda namoyish etish, nazariy ta’lim bilan matematik tajriba ko‘rsatmalarini integratsiyalash, shuningdek, oliy matematika darslarini sezgir, ko‘rgazmali va intuitiv tarzda tushunish imkonini beruvchi o‘quv muhitini yaratish ko‘zda tutilgan.

Ushbu yondashuv oliy matematika fanini o‘zlashtirishdagi qiyinchiliklarni kamaytirish, talabalarning o‘qishga bo‘lgan qiziqishini oshirish va ta’lim samaradorligini yaxshilashga xizmat qiladi. Bundan tashqari, bu usul talabalarda amaliy masalalarni oliy matematika yordamida hal etish ko‘nikmasini shakllantirish hamda matematika ta’limining umumiy sifatini oshirishga yordam beradi[1].