O’ZBEKISTON RESPUBLIKASIDA TA’LIM SOHASIDA AMALGA OSHIRILGAN ISLOHOTLAR

Abstract

Annotatsiya. Mazkur maqolada O‘zbekiston Respublikasi mustaqillikka erishganidan keyingi davrda mamlakat hayotida yuz bergan ma’naviy va madaniy taraqqiyot jarayonlari keng tahlil qilinadi. Mustaqillik tufayli milliy qadriyatlar, urf-odat va an’analarni qayta tiklash, xalqning tarixiy xotirasini tiklash hamda milliy o‘zlikni anglashga bo‘lgan e’tiborning kuchaygani yoritib beriladi. Shuningdek, diniy bag‘rikenglik va millatlararo totuvlik siyosatining shakllanishi, fuqarolarning vijdon erkinligini ta’minlash, diniy merosni asrash va islom madaniyatining ma’naviy hayotdagi o‘rni masalalari ilmiy asosda tahlil etiladi.

Maqolada mustaqillik yillarida o‘zbek adabiyoti, san’ati, musiqa va madaniyatining rivojlanish bosqichlari, ijodkorlarni davlat tomonidan qo‘llab-quvvatlash, milliy san’at va folklor an’analarini tiklash borasida amalga oshirilgan islohotlar haqida batafsil ma’lumot beriladi. Xususan, tarixiy shaharlarning xalqaro miqyosdagi ahamiyati, ularning jahon sivilizatsiyasiga qo‘shgan hissasi hamda madaniy merosni asrash yo‘lida olib borilgan amaliy ishlar yoritiladi.
Bundan tashqari, maqolada yosh avlodni ma’naviy barkamollik ruhida tarbiyalash, milliy g‘urur va vatanparvarlik tuyg‘ularini mustahkamlash, ma’rifiy qadriyatlarni rivojlantirishning dolzarb masalalari ham ko‘rib chiqiladi. O‘zbekistonning mustaqillik davridagi ma’naviy-ma’rifiy siyosati jamiyat taraqqiyoti, milliy birlik va ijtimoiy barqarorlikni ta’minlashdagi muhim omillardan biri sifatida baholanadi. Maqolada keltirilgan fikr va mulohazalar tarixiy manbalar, ilmiy adabiyotlar hamda davrga oid ma’lumotlar asosida bayon etilgan.