ZAMONAVIY TA’LIM VA KOMPETENSIYAVIY YONDASHUV
Keywords:
Shunday ekan, bugungi kunda ta’lim jarayoni oldiga erkin va mustaqil fikrlay oladigan, nutq va muloqot madaniyati rivojlangan savodxon shaxsni kamol toptirish maqsadi qo‘yildi. Bu maqsadni amalga oshirish esa zamonaviy pedagog oldiga bir qator mas’uliyatlarni yuklaydi.Abstract
Milliy istiqlol sharofati tufayli respublikamizda boshqa ijtimoiy sohalar qatori
ta’lim va tarbiya sohasining ham umumjahon ta’lim standartlariga mos holda
rivojlanishi uchun keng imkoniyatlar, moddiy va ma’naviy shart-sharoitlar yaratildi.
Prezidentimiz Sh.M.Mirziyoyev ta’lim-tarbiya sohasida olib boriladigan ishlarning
dasturilamali bo‘lgan ta’lim to‘g‘risida shunday degan edi: “Maktabda oʻqitish
metodikasi oʻzgarmasa, taʼlim sifati ham, mazmuni ham, muhit ham oʻzgarmaydi1”.
Dunyodagi zamonaviy oʻquv dasturlari, oʻqitish metodikalarini oʻrganib, yurtimiz
umumtaʼlim maktablarida joriy qilish muhimligi taʼkidlandi. Xalq taʼlimi vazirligiga
ushbu tajriba asosida Milliy oʻquv dasturini ishlab chiqib, 2021/2022 oʻquv yilidan
boshlab taʼlim jarayoniga sinov tariqasida tatbiq etish vazifasi qoʻyildi. Yangi
metodikani samarali yoʻlga qoʻyish uchun barcha maktab oʻqituvchilari videoaloqa
orqali xorijiy mutaxassislar ishtirokida oʻqitiladi. Eng muhimi, bu jarayonlarga
pedagogika yoʻnalishidagi universitet va institutlar ham jalb qilinib, pedagog kadrlar
tayyorlash metodikasi ham yangilanadi.
References
Umuman olganda, kompetensiyaviy yondashuv konsepsiyasi an’anaviy ta’lim
mazmun-mundarijasini zamonaviylashtirishni taqozo etadi. Bunga mutaxassislar ham,
o‘qituvchilar birday mas’uldirlar. Kompetentli shaxs deganda: mustaqil fikrlay
oladigan, nutq va muloqot madaniyati rivojlangan, savodxon shaxs tushuniladi.
Shuning uchun jamiyat ta’lim oldiga o‘quvchi shaxsida fikrlash, o‘zgalar fikrini
anglash va fikr mahsulini og‘zaki va yozma shaklda savodli bayon qila olish, ya’ni
mustaqil va ijodiy tafakkurni hamda kommunikativ savodxonlikni rivojlantirish
vazifasini qo‘yadi.
