REKLAMA JANRI VA MATNINING O‘ZIGA XOS XUSUSIYATLARI

Abstract

 
Jamiyatda yuz berayotgan siyosiy, ijtimoiy va madaniy  hayotdagi o‘zgarishlar 
reklama  hajmini  va  shakllarini  kundan-kunga  o‘sishiga  olib  kelmoqda.  Bu  esa  o‘z 
navbatida  reklama  janri  va  uning  tuzilishiga    o‘z  ta’siri  o‘tkazmasdan  qolmaydi. 
Olimlarning  aytishicha,  “zamonaviy  inson  uzluksiz  reklama  muloqoti  ta’siri  ostida 
yashayapti, chunki unga son-sanoqsiz rang-barang mahsulotlarni xarid qilishga va turli 
xil  xizmatlardan  foydalanishga  undovchi  reklama  xabarlarning  oqimi  bostirib 
kelmoqda”. [1] 
Ta’kidlash joizki, ko‘p hollarda reklama matnining tuzilishi bir xil yo‘sinda 
bo‘ladi. Agar undagi matn hajm jihatdan katta bo‘lsa, u sarlavhadan, kirish qismdan, 
asosiy  qismdan  va  xulosa  qismdan  tashkil  topgan  bo‘ladi.  Mazkur  tuzilishni 
o‘zgartirilishi  u  yoki  bu  iqtisodiy  yoki  ijtimoiy  muhitdagi  ruhiy  ta’sir  ko‘rsatuvchi 
kuchni  va  ta’sirni  kuchaytirish  zarurati  va’jidan  atayin  qilingan  bo‘lishi  mumkin. 
Reklama  ma’lumotlarining  tuzilishi  ikki  xil  ko‘rinishda  namoyon  bo‘ladi,  ya’ni 
lotincha usulda yoki ruhiy ta’sir ko‘rsatish usulda bo‘lishi mumkin.