O‘QITUVCHINING KASBIY KOMPETENSIYASINI OSHIRISHDA PEDAGOGIK KONFLIKTOLOGIYANING O`RNI

Abstract

   
Bugungi  kunda  ta`limning  demokratik  modelini  vujudga  keltirish  muhim 
masalalardan  biridir.  Ta`lim,  ayniqsa,  o`quv-biluv  jarayoni  demokratik  modelining 
dastlabki elementi talaba shaxsining individual faoliyat ko`rsatishida namoyon bo`ladi. 
Pedagogik konfliktologiya bugungi ta’lim tizimida juda yuqori ahamiyatga ega. Ta’lim 
jarayonida  nizolar  ko‘payib  borayotgani  ya`ni  o‘qituvchi–o‘quvchi,  o‘quvchi–
o‘quvchi, o‘qituvchi–ota-ona o‘rtasidagi kelishmovchiliklar zamonaviy ta’limda tez-
tez uchramoqda. Pedagogik konfliktologiya bu nizolarni oldini olish va samarali hal 
etish  yo‘llarini  o‘rgatadi.  Shaxsga  yo‘naltirilgan  ta’limning  rivojlanishida  har  bir 
o‘quvchining  xarakteri,  dunyoqarashi  va  ehtiyojlari  turlicha  bo`lib,  bu  esa  tabiiy 
ravishda  ziddiyatlarga  olib  kelishi  mumkin.  Mazkur  fan  pedagoglarga  individual 
yondashuv  asosida  nizolarni  boshqarish  ko‘nikmalarini  beradi.  Psixologik  sog‘lom 
muhitni  ta’minlash  zarurati  bo`lib,  ta’lim  muassasasidagi  salbiy  psixologik  muhit 
o‘quvchilarning  bilim  olishi  va  tarbiyasiga  salbiy  ta’sir  ko‘rsatadi.  Pedagogik 
konfliktologiya sog‘lom, do‘stona va hamkorlikka asoslangan muhitni shakllantirishga 
xizmat qiladi. O‘qituvchining kasbiy kompetensiyasini oshirishi maqsadida zamonaviy 
pedagog nafaqat bilim beruvchi, balki nizolarni to‘g‘ri boshqara oladigan, muloqot 
madaniyatiga ega shaxs bo‘lishi kerak. Bu fan o‘qituvchining kasbiy mahoratini  va 
kommunikativ  salohiyatini  oshiradi.  Ijtimoiy  muammolar  ta’sirining  kuchayishi, 
globalizatsiya,  axborot  texnologiyalari,  ijtimoiy  tarmoqlar  ta’siri  o‘quvchilar  xulq-
atvorida keskinliklarni keltirib chiqarmoqda. Pedagogik konfliktologiya bu omillardan 
kelib chiqadigan pedagogik nizolarni tushunish va boshqarishga yordam beradi.