HUDUDIY SANOAT RIVOJLANISHINING IQTISODIY MOHIYATI VA ILMIY-NAZARIY YONDASHUVLAR

Abstract

Hududiy  sanoat  rivojlanishi  masalasi  bugungi  kunda  milliy  iqtisodiyotning 
barqaror  o‘sishini  ta’minlash,  hududlar  o‘rtasidagi  ijtimoiy-iqtisodiy  tafovutlarni 
kamaytirish  hamda  ishlab  chiqarish  salohiyatidan  samarali  foydalanish  nuqtayi 
nazaridan  dolzarb  ahamiyat  kasb  etmoqda.  Ayniqsa,  globallashuv,  iqtisodiy 
integratsiya  va  raqobat  kuchayib  borayotgan  sharoitda  sanoatning  hududiy  tashkil 
etilishi  masalasi  davlat  iqtisodiy  siyosatining  muhim  tarkibiy  qismiga  aylanmoqda. 
Shu bois, hududiy sanoat tushunchasining iqtisodiy mohiyatini aniqlash, uning nazariy 
asoslarini  chuqur  tahlil  qilish  va  zamonaviy  ilmiy  qarashlar  bilan  boyitish  ushbu 
tadqiqotning muhim vazifalaridan biridir. 
Hududiy  sanoat  tushunchasi  iqtisodiy  fanlarda  sanoat  ishlab  chiqarishining 
ma’lum  hudud  doirasida  shakllanishi,  joylashuvi  va  rivojlanish  qonuniyatlarini 
ifodalovchi  muhim  kategoriya  sifatida  talqin  etiladi.  Iqtisodiy  adabiyotlarda  ushbu 
tushuncha  ko‘pincha  hududning  ishlab  chiqarish  salohiyati,  tabiiy-resurs  bazasi, 
mehnat resurslari va infratuzilma imkoniyatlari bilan uzviy bog‘liq holda izohlanadi. 
Hududiy sanoat faqat sanoat korxonalarining geografik joylashuvi emas, balki ularning 
hududiy ixtisoslashuvi, o‘zaro kooperatsiyasi va hudud iqtisodiyotiga ko‘rsatadigan 
ko‘p qirrali ta’sirini ham o‘z ichiga oladi 1 .