KICHIK ODATLAR KATTA NATIJALARGA OLIB KELADIMI?

Abstract

Har  bir  inson  hayotda  muvaffaqiyatga  erishishni,  o‘z  oldiga  qo‘ygan 
maqsadlariga yetishni istaydi. Ko‘pchilik bunga erishish uchun katta ishlar qilish kerak 
deb  hisoblaydi.  Aslida  esa  insonning  kundalik  hayotidagi  kichik  odatlari  uning 
kelajagini belgilab beradi. Har kuni bajariladigan oddiy ishlar vaqt o‘tishi bilan katta 
natijalarga sabab bo‘lishi mumkin. 
Masalan,  har  kuni  bir  necha  sahifa  kitob  o‘qish  insonning  bilimini  oshiradi. 
Dastlab  bu  juda  kichik  ishdek  ko‘rinadi,  ammo  bir  yil  davomida  muntazam  kitob 
o‘qigan odam yuzlab sahifalarni mutolaa qilgan bo‘ladi. Xuddi shuningdek, har kuni 
sport bilan shug‘ullanish ham inson salomatligini mustahkamlaydi. Bir kunda katta 
o‘zgarish  sezilmasligi  mumkin,  lekin  uzoq  muddat  davomida  bu  odatning  foydasi 
yaqqol namoyon bo‘ladi. 
Kichik  odatlar  insonning  xarakterini  ham  shakllantiradi.  Vaqtida  uyg‘onish, 
berilgan  vazifalarni  o‘z  vaqtida  bajarish,  tartib-intizomga  rioya  qilish  kabi  odatlar 
mas’uliyat  hissini  rivojlantiradi.  Bunday  insonlar  hayotda  ko‘proq  muvaffaqiyat 
qozonadilar va o‘z maqsadlariga tezroq erishadilar.