IMPORT O‘RNINI BOSUVCHI ISHLAB CHIQARISH: IMKONIYATLAR VA MUAMMOLAR

Abstract

Kirish 
Globalizatsiya  jarayonlari  kuchaygan  hozirgi  davrda  mamlakatlar 
iqtisodiyotida  tashqi  savdo  aloqalarining  o‘rni  beqiyosdir. Shu  bilan  birga, ko‘plab 
davlatlar  strategik  va  iqtisodiy  xavfsizlik  nuqtai  nazaridan  importga  haddan  ziyod 
bog‘liqlikni kamaytirish masalasini dolzarb deb bilmoqda. Bu borada “import o‘rnini 
bosuvchi ishlab chiqarish” tushunchasi alohida ahamiyat kasb etadi. 
Import o‘rnini bosuvchi ishlab chiqarish – bu mamlakatda ilgari chetdan olib 
kelinayotgan mahsulotlarni ichki sharoitda ishlab chiqarishga yo‘naltirilgan iqtisodiy 
strategiya bo‘lib, u ichki bozorni milliy mahsulotlar bilan ta’minlash, yangi ish o‘rinlari 
yaratish va valyuta chiqib ketishini kamaytirishga xizmat qiladi. 
O‘zbekiston mustaqillikka erishganidan buyon ushbu yo‘nalishda qator chora-
tadbirlar  amalga  oshirildi.  Jumladan,  mahalliy  ishlab  chiqaruvchilarni  qo‘llab-
quvvatlash, soliq imtiyozlari berish, investitsiya jalb etish, ilm-fan va texnologiyalarni 
ishlab chiqarishga tatbiq etish kabi ishlar shular jumlasidandir.