BIOFIZIKA – ZAMONAVIY TIBBIYOT ASOSI

Abstract

Biofizika  –  bu  biologik  tizimlar  va  jarayonlarni  fizika  qonunlari  asosida 
o‘rganadigan fan bo‘lib, zamonaviy tibbiyotning ajralmas qismi hisoblanadi. Biofizika 
tibbiyotda kasalliklarni aniqlash, davolash va oldini olishda muhim ilmiy asos yaratadi. 
Ushbu fan organizmdagi fiziologik jarayonlar, hujayra va to‘qimalardagi energetik va 
mexanik  o‘zgarishlarni,  shuningdek,  turli  tibbiy  asboblar  va  uskunalarning  ishlash 
prinsiplari bilan bog‘liq masalalarni o‘rganadi. 
Biofizikaning  asosiy  yo‘nalishlari  quyidagilardan  iborat:  hujayra  biofizikasi, 
molekulyar  biofizika,  fiziologik  biofizika  va  klinik  biofizika.  Hujayra  biofizikasi 
hujayralardagi ionlar harakati, membrana potensiallari, signallar uzatilishini o‘rganadi. 
Molekulyar  biofizika  esa  oqsillar,  nuklein  kislotalar  va  boshqa  biologik 
molekulalarning  tuzilishi  va  faoliyatiga  e’tibor  qaratadi.  Fiziologik  biofizika 
organizmning  turli  tizimlarida,  masalan,  yurak-qon  tomir,  nerv  yoki  nafas  olish 
tizimlarida  energiya  almashinuvi  va  mexanik  jarayonlarni  o‘rganadi.  Klinika 
biofizikasi  esa  bu  bilimlarni  bemorlarni  tashxislash  va  davolashda  qo‘llashga 
qaratilgan.