ЁШЛАР ВА ИШБИЛАРМОНЛИК: КЕЛАЖАК САРИ ҚАДАМ

Abstract

   Ўзбекистонда  амалга  оширилаётган  ислоҳотлар  жараёнида  ёшларга 
қаратилган  давлат  сиёсати  алоҳида  аҳамият  касб  этмоқда.  Мамлакатимиз 
Президенти  томонидан  ёшларнинг  ижтимоий-иқтисодий  ҳаётдаги  фаоллигини 
ошириш, уларнинг бизнес ва ишбилармонлик соҳасида ўз ташаббусларини рўёбга 
чиқаришлари учун кенг имкониятлар яратилмоқда. Шу мақсадда турли грантлар, 
имтиёзли кредитлар, таълим дастурлари ва инкубация марказлари фаолияти йўлга 
қўйилган.  Ёшлар  томонидан  ташкил  этилаётган  кичик  бизнес  ва  стартаплар 
инновацияларни жорий қилиш, янги иш ўринларини яратиш, экспорт салоҳиятини 
оширишда  муҳим  ўрин  тутади.  Зеро,  мамлакатнинг  барқарор  тараққиёти  ёш 
авлоднинг билимли, касб-ҳунарли ва ташаббускор бўлишига боғлиқ. Мавзунинг 
долзарблиги  шундаки,  мамлакатимизда  ёшлар  сони  умумий  аҳоли  таркибида 
салмоқли улушни ташкил қилади. Демак, уларнинг иқтисодий имкониятларини 
тўғри  йўналтириш,  ишбилармонлик  ва  тадбиркорлик  фаолиятига  жалб  этиш 
стратегик аҳамиятга эга. Ҳозирги кунда давлат ва жамият олдида турган асосий 
вазифалардан бири — ёшларнинг ташаббусларини қўллаб-қувватлаш ва уларнинг 
келажак сари қадам ташлашлари учун қулай шароитлар яратишдир. Замонавий 
иқтисодиётда ёшларнинг инновацион фикрлаши, рақамли кўникмалари ва глобал 
бозорларга  интеграцияси  янги  қиймат  яратиш  ва  рақобатбардошликни 
таъминлашда  ҳал  қилувчи  аҳамият  касб  этади.  Шу  боис  “Ёшлар  ва 
ишбилармонлик: келажак сари қадам” мавзуси бугунги кун учун катта назарий ва 
амалий аҳамиятга эга.