XORIJIY AMALIYOTDA KICHIK BIZNES UCHUN KREDIT MAHSULOTLARI (MIKROKREDITLAR, LIZING, FAKTORING, INNOVASION MOLIYALASHTIRISH VOSITALARI).

Abstract

 
Hozirgi  global  iqtisodiyot  sharoitida  kichik  biznes  va  xususiy  tadbirkorlik 
subyektlari  iqtisodiy  o‘sishning  eng  muhim  drayverlaridan  biri  sifatida  e’tirof 
etilmoqda.  Xalqaro  amaliyot  shuni  ko‘rsatadiki,  rivojlangan  va  rivojlanayotgan 
mamlakatlarda kichik biznes sektorining barqaror rivojlanishi moliyaviy resurslarga 
keng va moslashuvchan kirish imkoniyati bilan bevosita bog‘liqdir. Ayniqsa, tijorat 
banklari va boshqa moliyaviy institutlar tomonidan taklif etilayotgan mikrokreditlar, 
lizing,  faktoring  hamda  innovatsion  moliyalashtirish  vositalari  ushbu  sektorning 
moliyaviy barqarorligini ta’minlashda muhim rol o‘ynaydi. 
Xorijiy tajribada kichik biznesni moliyalashtirishda an’anaviy kreditlash bilan 
bir qatorda muqobil va innovatsion instrumentlardan keng foydalanilmoqda. Jumladan, 
mikrokreditlash  tizimi  kichik  tadbirkorlikni  boshlash  va  rivojlantirish  uchun 
boshlang‘ich  kapitalga  kirishni  yengillashtirsa,  lizing  mexanizmi  asosiy  vositalarni 
katta boshlang‘ich xarajatlarsiz jalb etish imkonini beradi. Faktoring operatsiyalari esa 
korxonalar  aylanma  mablag‘larining  uzluksizligini  ta’minlab,  to‘lov  intizomi  va 
likvidlik muammolarini samarali hal etadi. So‘nggi yillarda esa raqamli platformalar 
asosida faoliyat yurituvchi innovatsion moliyalashtirish vositalari – fintech kreditlash, 
peer-to-peer lending, supply chain finance kabi mexanizmlar kichik biznesni qo‘llab-
quvvatlashda yangi bosqichni boshlab bermoqda.