MILLAT FIDOYISI VA BUYUK ISLOHOTCHI: XIVA XONLIGI BOSH VAZIRI ISLOMXO‘JA HAYOTI VA FAOLIYATI

Abstract

     XIX asrning oxiri va XX asrning boshlari Turkiston o‘lkasi, xususan, Xiva 
xonligi  tarixida  ijtimoiy-siyosiy  ziddiyatlar,  mustamlaka  tazyiqi  va  shu  bilan  birga 
milliy  uyg‘onish  davri  bo‘ldi.  Mana  shunday  murakkab  va  o‘tish  davrida  tarix 
sahnasiga  shunday  shaxslar  chiqdilarki,  ular  xonlikni  asriy  qoloqlikdan  qutqarish, 
mamlakatni  modernizatsiya  qilish  va  xalqning  turmush  tarzini  yuksaltirishni  o‘z 
hayotlarining bosh maqsadi deb bildilar. Ana shunday ulug‘ siymolardan biri, shak-
shubhasiz, Xiva xonligining Bosh vaziri (vaziri akbari) — Islomxo‘jadir. Islomxo‘ja 
nafaqat buyuk davlat arbobi, balki Xorazm jadidchiligining homiysi va o‘z davrining 
eng jasoratli islohotchisi sifatida tarixda o‘chmas iz qoldirdi. 
             Islomxo‘ja  (to‘liq  ismi  Sayyid  Islomxo‘ja  Ibrohimxo‘ja  o‘g‘li)  1872-yilda 
Xivada  taniqli  ulamo  va  davlat  arbobi  oilasida  dunyoga  kelgan.  Uning  otasi 
Ibrohimxo‘ja  xonlikda  katta  nufuzga  ega  shaxs  bo‘lib,  Muhammad  Rahimxon  II 
(Feruz) davrida davlat boshqaruvida faol ishtirok etgan.