XORAZM MA’RIFATPARVARI VA DAVLAT ARBOBI BOBOOXUN SALIMOVNING HAYOT YO‘LI

Abstract

       XIX  asrning  oxiri  va  XX  asrning  boshlari  Xorazm  vohasi  ijtimoiy-siyosiy 
hayotida tub burilishlar, uyg‘onish va jadidchilik harakatining shakllanish davri bo‘ldi. 
Bu davrda millat taqdiri, uning ma’naviy va siyosiy erkinligi uchun kurash maydoniga 
chiqqan siymolar orasida Bobooxun Salimov alohida o‘rin tutadi. Dastlab an’anaviy 
diniy  muhitda  voyaga  yetib,  yuqori  diniy  unvonlarga  ega  bo‘lgan  B.  Salimov 
keyinchalik mintaqada demokratik tamoyillarni joriy etish, xonlik tuzumini isloh qilish 
va  xalqning  huquqiy-ijtimoiy  ahvolini  yaxshilash  yo‘lida  fidokorona  xizmat  qildi. 
Uning hayoti va ijtimoiy-siyosiy faoliyati faqatgina o‘z davrining emas, balki bugungi 
kun davlatchilik tarixi uchun ham muhim ahamiyat kasb etadi.