ЮРИДИК ШАХСНИ ҚАЙТА ТАШКИЛ ЭТИШДА ҲУҚУҚИЙ ВОРИСЛИК ҲАМДА КРЕДИТОРЛАР МАНФААТЛАРИ ҲИМОЯСИ

Abstract

 
Ҳозирги геосиёсий ривожланиш даврида юридик шахсларнинг ижтимоий 
иқтисодий  аҳамияти,  унинг  иштирокчилари,  ҳуқуқий  ворислари  ҳамда 
кредиторларнинг  манфаатлари,  ҳуқуқлари  чегараси  ҳамда  мажбуриятлари 
юзасидан кенг таҳлилий, назарий ва амалий ўрганишлар ўтказилмоқда. Бунинг 
сабаби  эса  шиддат  билан  ривожланиб  келаётган  электрон  ҳамда  сиёсий 
иқтисодиёт,  кундан  кунга  мураккаблашиб  бораётган  ижтимоий-ҳуқуқий 
муносабатлар ҳамда юзага келаётган низоларни олдидини олишга қаратилган. 
Айтиб  ўтиш  лозимки,  Ўзбекистон  Республикаси  Фуқаролик  кодекси 
(бундан  буён  матнда  ФК  деб  юритилади)нинг  49-моддасида  айнан  юридик 
шахсни қайта ташкил этиш тўғрисидаги норма мустаҳкамланган бўлиб, хусусан, 
юридик  шахсни  қайта  ташкил  этиш  (қўшиб  юбориш,  қўшиб  олиш,  бўлиш, 
ажратиб чиқариш, ўзгартириш) унинг муассислари (иштирокчилари) ёки таъсис 
ҳужжатларида  шунга  вакил  қилинган юридик  шахс  органи  қарорига  мувофиқ 
амалга оширилиши мумкин.