ЎТМИШДАН САДО: МУЗЕЙ ЭКСПОНАТИГА АЙЛАНГАН ДАЗМОЛЛАР

Abstract

  Бугун биз биргина тугмани босиш орқали кийимларимизни бир дақиқада 
идеал кўринишга келтирамиз. Аммо бу қулайлик ортида минг йиллик заҳматли 
меҳнат ва инсониятнинг ақл бовар қилмас ихтиролари ётибди. Қадимда ичига 
тирик  чўғ  солинган  оғир  чўян  қурилмалар,  портлаш  хавфи  бўлган  газли 
мосламалар ва ҳатто императорлар учун ясалган олтин чўмичлар рўзғорнинг энг 
муҳим буюми бўлган. 
Музей экспонатлари орасидаги бундай буюмлар нафақат давр нафасини, 
балки  ўша  замон  одамларининг  кундалик  ҳаёти,  маданияти  ва  ижтимоий 
мавқеини ҳам ўзида акс эттиради. Кечагина ҳар бир хонадоннинг рамзи бўлган, 
уй тўрида асралган чўғли ва чўян дазмоллар бугун тарих саҳифаларига кўчиб, 
ноёб  коллекциялар  таркибига  кирди.  Ушбу  мақоламизда  жаҳон  ва  юртимиз 
музейларида  сақланаётган,  оддий  маиший  буюмдан  чинакам  тарих  кўзгусига 
айланган антиқа дазмолларнинг босиб ўтган эволюцион йўли ва уларнинг ортига 
яширинган қизиқарли қисматлари ҳақида сўз юритамиз.