RAQAMLI TEXNOLOGIYALARNING KORXONA FAOLIYATIGA TA’SIRI

Abstract

 
Bugungi  raqamli  transformatsiya  davrida  yirik  transport-logistika 
korxonalarining  samarali  faoliyat  yuritishi,  raqobatbardoshligini  ta’minlash  va 
iqtisodiy barqarorlikni mustahkamlashda raqamli texnologiyalar hal qiluvchi omilga 
aylanmoqda.  Ayniqsa,  O‘zbekiston  Respublikasi  temir  yo‘l  tizimida  strategik  o‘rin 
tutuvchi “Toshkent” Mintaqaviy Temir Yo‘l Uzeli (MTU) faoliyatida raqamlashtirish 
jarayonlari zamonaviy boshqaruv va xizmat ko‘rsatish sifati uchun muhim poydevor 
bo‘lib xizmat qilmoqda. 
Korxona  tomonidan  yuk  va  yo‘lovchi  tashish,  texnik  xizmat  ko‘rsatish, 
infratuzilmani  ekspluatatsiya  qilish  kabi  asosiy  yo‘nalishlarda  raqamli  yechimlar 
tobora faol qo‘llanilmoqda. Jumladan, lokomotiv va vagonlar harakatining GPS va IoT 
asosida  onlayn  monitoringi,  ishlab  chiqarish  va  moliyaviy  jarayonlarni 
avtomatlashtirish,  ma’lumotlar  almashinuvini  tezlashtirish  va  kadrlar  faoliyatini 
nazorat  qilish  imkoniyatlari  yaratilgan.  Bu  esa  “Toshkent”  MTUning  umumiy 
samaradorligiga,  xizmatlar  sifatiga  va  operatsion  xavfsizligiga  sezilarli  ijobiy  ta’sir 
ko‘rsatmoqda. 
Mazkur  bo‘limda  “Toshkent”  MTU  faoliyatida  qo‘llanilayotgan  raqamli 
texnologiyalarning iqtisodiy, texnik va tashkiliy jihatdan qanday ta’sir ko‘rsatayotgani 
chuqur  tahlil  qilinadi.  Shu  bilan  birga,  mavjud  muammolar  tahlili  asosida  ularni 
bartaraf  etish  va  tizimli  raqamlashtirishni  kengaytirish  bo‘yicha  tavsiyalar  ishlab 
chiqiladi.  Bu  esa  korxona  faoliyatini  yanada  samarali,  shaffof  va  innovatsion 
yo‘nalishga yo‘naltirishda muhim ilmiy-amaliy asos bo‘lib xizmat qiladi. 
Raqamli texnologiyalar bugungi kunda transport infratuzilmasini modernizatsiya 
qilish  va  korxonalar  samaradorligini  oshirishda  asosiy  vositaga  aylangan.  Ayniqsa, 
yirik strategik ob’yektlar sirasiga kiruvchi “Toshkent” Mintaqaviy Temir Yo‘l Uzeli 
(MTU) uchun bu jarayon bevosita iqtisodiy natijadorlik, xizmat sifati va boshqaruv 
madaniyati bilan bog‘liqdir.