ONLAYN TRANZAKSIYALAR XAVFSIZLIGI: ZAMONAVIY TAHDIDLAR VA ULARNING YECHIMLARI
Keywords:
Onlayn tranzaksiyalar; kiberxavfsizlik; fishing; ko‘p faktorli autentifikatsiya; blokcheyn.Abstract
Ushbu ilmiy tadqiqot onlayn tranzaksiyalar xavfsizligiga tahdid solayotgan zamonaviy kiberxavfsizlik xatarlarini chuqur tahlil qilish hamda ushbu tahdidlarga qarshi qo‘llash mumkin bo‘lgan texnologik va tashkiliy yechimlarni ishlab chiqishga qaratilgan. Bugungi raqamli iqtisodiyotda elektron to‘lovlar, internet-banking, onlayn savdo platformalari, raqamli xizmatlar va mobil ilovalar orqali amalga oshiriladigan tranzaksiyalar hajmi keskin ortib borayotgani sababli moliyaviy muomalalarning ishonchliligi va himoyalanganligi har qachongidan muhim ahamiyat kasb etmoqda. Onlayn tranzaksiyalar jarayonida ma’lumotlarning xufyona tarzda qo‘lga kiritilishi, o‘zgartirilishi yoki noqonuniy foydalanilishi iqtisodiy xavfsizlik, jismoniy va yuridik shaxslarning moliyaviy barqarorligi, shuningdek, davlat miqyosidagi raqamli infratuzilmalarning barqarorliligiga jiddiy zarar yetkazishi mumkin. Natijalar shuni ko‘rsatdiki, onlayn tranzaksiyalarni himoya qilishda yagona texnologiyaga tayanish yetarli emas.
