QUYI BOSQICH FIKRLASHDAN YUQORI BOSQICH FIKRLASHGA O‘TISH: BOSHLANG‘ICH SINF ONA TILI VA O‘QISH SAVODXONLIGI DARSLARIDA FIKRLASHNI BOSQICHMA-BOSQICH RIVOJLANTIRISHNING AMALIY YO‘LLARI
Keywords:
ona tili, o‘qish savodxonligi, quyi bosqich fikrlash, yuqori bosqich fikrlash, tahlil, dalillash, baholash, yaratuvchan topshiriqlar, baholash ko‘rsatkichlari, boshlang‘ich ta’lim.Abstract
Maqolada boshlang‘ich sinf ona tili hamda o‘qish savodxonligi darslarida o‘quvchilar fikrlash faoliyatini quyi bosqich fikrlash (eslash–tushunish–oddiy qo‘llash) darajasidan yuqori bosqich fikrlash (tahlil–baholash–yaratish) darajasiga bosqichma-bosqich olib chiqishning amaliy mexanizmlari yoritiladi. Savollarni ochiq shaklga o‘tkazish, mezon asosida tanlash va baholatish, shuningdek, matn asosida yangi mahsulot yaratishga yo‘naltirilgan topshiriqlar orqali o‘quvchi fikrlashini bosqichma-bosqich rivojlantirish yo‘llari dars amaliyotiga tayangan holda misollar bilan asoslanadi. Integrativ (ona tili + o‘qish) yondashuv doirasida topshiriqlarni qayta loyihalash imkoniyatlari ochib beriladi, o‘qituvchi uchun “signal fe’llar” hamda o‘quvchi uchun kichik baholash ko‘rsatkichlari tizimi tavsiya etiladi.
