BIOLOGIK CHIQINDILARNI QAYTA ISHLASHDA MIKROORGANIZMLARNING O’RNI
Keywords:
Biologik chiqindilar, mikroorganizmlar, biokonversiya, kompostlash, aerob parchalanish, anaerob parchalanish, biogaz, biotexnologiya, ekologik barqarorlik, organik modda, tuproq unumdorligi.Abstract
Mazkur maqolada biologik chiqindilarni qayta ishlash jarayonida mikroorganizmlarning o’rni, ularning metabolik faolligi hamda ekologik va iqtisodiy ahamiyati keng yoritilgan. So’nggi yillarda shahar va qishloq xo’jaligi chiqindilari miqdorining keskin ortishi atrof-muhit muhofazasi sohasida dolzarb muammolardan biriga aylangan. Organik chiqindilarni biokonversiya qilishda bakteriyalar, zamburug’lar va aktinomitsetlarning ishtiroki, aerob va anaerob parchalanish mexanizmlari, kompostlash, biogaz ishlab chiqarish hamda vermikompostlash jarayonlari ilmiy asosda tahlil qilingan. Shuningdek chiqindilarni mikrobiologik usulda qayta ishlashning atrof-muhit muhofazasi, tuproq unumdorligini oshirish va qayta tiklanuvchi energiya manbalarini yaratishdagi roli ko’rsatib berilgan. Tadqiqot natijalari mikroorganizmlar asosidagi biotexnologik yondashuvlar ekologik barqarorlikni ta’minlashda muhim omil ekanligini tasdiqlaydi.
