SOVET DAVLATINING OXIRGI QATAG‘ONI PAXTA ISHI QATAG‘ONI (SAMARQAND VILOYATI MISOLIDA)

Abstract

Ushbu maqolada Sovet davlatida amalga oshirilgan qatag‘onlarning oxirgi davri O‘zbekistonda XX asr 80 -yillarida “paxta ishi”, keyinroq “o‘zbeklar ishi” degan ma’shum nom ostida tarixga kirganligi haqida fikr yuritiladi. Qatag‘on davrida Samarqand viloyatida ham butun respublikada bo‘lgani kabi ayovsiz ravishda aybsiz kishilar iskanjaga olinib, mislsiz azob-uqubatlarni boshdan o‘tkazdi. T.Gdlyan boshchiligidagi tergov guruhi noqonuniy usullardan foydalanib, yillar davomida ayblanuvchilarga nisbatan jismoniy va ruhiy jihatdan azob berishdi. Shu tariqa KPSS Markaziy Komiteti tomonidan “Paxta ishi” o‘zbeklar ishiga aylantirildi. Tadqiqot davomida to‘plangan dalillar atroflicha o‘rganilib, unga ilmiy nuqtai nazardan baho berildi.